WordPress Tutorial For beginner in Hindi – Hosting Tips Series 1

WordPress Tutorial For beginner

WordPress Tutorial For beginner in Hindi – Hosting Tips Series 1

Mai aaj WordPress Tutorial Suru kar raha hu jisme mai aapko sabse pahle hosting ki jankari dunga jisase aap blog ke liye platform Kaun sa sahi hai yah bhi samajh jayenge. Vaise mai chahu to abhi aapko khub hosting ke Type ginau jaise Basic plan Linux , window , virtual private, Economic etc. Aur Bhi bahut kuchh lekin mai aisa nahi karne wala kyoki abhi aapko ye sab jankar confuse hone ki jarurat nahi hai darasal aapko ek blog jise ap apni website bhi bol sakte hai ko suru karna hai. Jis par aap apne vichar share kar sake aur huge of money kama sake.

To sabse pahle to mai aapko kahunga ki aap ye confirm karle ki kya aap apna blog blogger par banayenge ya WordPress par Aur abhi aapko confussion hai to ye post padhe ki Blogger Platform par paise kama sakte hai  ki nahi ye padhane ke baad aapka confusion dur ho jayega aur mujhe lagta hai ki agar aap hard work ke bajaye smart work me believe karte hai to aap WordPress platform par hi apna blog banana chahenge. to ab mai maan leta hu ki aapne wordpress par hi apna blog banane ka desission liya hai. To chaliye suru karte hai.

 

Best Domain And Hosting Tips Blog Suru Karne ke Liye  

Ab mai iss series me hosting kharidane tak ki baat batane wala hu to ab yah bhi kuchh logo ka sawal hota hai ki domain kya hota hai to koi baat nahi isi liye ye post mai bahut hi vyavharik rup me likh raha hu jisase ek blogging me zero person bhi sab kuchh samajh sake aur aage badh sake. to isame domain ki baaat kare to yah ek aapke website ya blog ka address hota hai jaise mere blog ka hai www.whitehindi.com  jise aap abhi iss samay padh rahe hai.

to isi ko domain name bolte hai jaise google ye bhi ek website hi hai jiska  domain name hai www.google.com isi tarah aap ko bhi ek naam apne blog va website ke liye chunana hoga detail me jaanane ke liye ye post padhiye Domain name kya hai aur kaise kharide  ise padhane ke baad aap domain name ko puri tarah samajh jayenge.

Fir ab Hosting ki baat karte hai bahut se logo ko maine dekha hai ki wo jab blog suru karna chahte hai to blogger par full feature nahi milta hai ya bahut se resion se wo wordpress par blog banana chahte hai jispar blog banane ke liye aapko hosting aur domain name kharidana padta hai isliye wo domain name aur hosting ke baare me khoj bin suru kar dete hai ki kaha se kharide aur kaun sa kharide.

 

Aur isi chakkar me wo kuchh jyada hi khoj bin karne lagte hai aur apne aapko confuse aur hopeless karne lagte hai to mai unse kahunga ki aap pahle expert banana wo bhi hosting me na suru ho jaye kyoki maan lijiye aap kisi bachhe ko computer sikhana chahte hai to kya aap pahle programming hi sikhane lagte hai use pahle computer ki basic hi to batate hai to isi tarah aap ise bhi samjhe aur khub hosting ke detail me na jaye aur apne aap ko confuse na kare ek din dheere dheere aapko khud hi sab pata ho jayega.

 

To kya kare

To aapko karna yah hai ki koi bhi aapko WordPress Managed Hosting ya sidha – sidha kahu to aap kisi badhiya company jaise godaddy , hostgator  ya bluehost se sampark kare aur unse bole ki hame wordpress par blog banana hai aur hame wordpress hosting chahiye to khud hi aapko sab samjha ke aapke budget ke hisaab se plan batayenge vaise mai kahu to aapko bahut kam visitor vale jaise 25000 per month jaisi hosting leni chahiye taki pahle aapka blog suru ho aage aap khud sab kuchh sahi kar lenge aur jab aapke blog par traffic badhega to turant aap hosting change bhi kar sakte hai.

 

To issi tarah aap hosting lekar apna WordPress Blog Suru kare ha ab usame agar aap domain name ki soch rahe hai ki ye kaha se kharide to koi dikkat nahi aur aapko isake baare me sochane ki jarurat bhi nahi hai kyoki aap jaha se pahli baar hosting kharidenge vahiu se aapko 1 saal ke liye domain name mil jayega wo bhi free me to yani aapko kharch karne hai sirf hosting ke paise.

 

Ha lekin dhyan rahe jab bhi kahi se aap hosting kharide to 1 saal ka plan hi le kyoki ek to yah aapko sasta padega aur domain name free mil jayega nahi to aapko domain name ka paisa alag se dena hoga.

 

Mere bataye anusaar yadi aap hosting kharidate hai to aapko wordpress par apna blog suru karne ke liye 1200 se 1300 rupaye me hosting mil jayegi aur yadi aap 1-2 mahine ke liye kharidenge to ek to aapko kam se kam 500 rupaye per month ke rate se hosting bhi denge aur saath me domain name alag se kharidane ke liye kahenge. aur ek saal ka mai isliye bhi sahi manta hu kyoki blogging ek aisi chij hai ki aapko isame apni safalta aur asafalta dekhane ke liye time lagega ye nahi ki aap blog suru karke 1-2 mahine me hi apni blogging ka future tay kar lenge ki yah safal hoga ya nahi.

 

Kyoki aaj bade bade blogger jop ki apne blog se bahut saare paise baithe baithe kama rahe hai to unme se to kuchh ki aisi halat thi ki 1 se 2 saal tak unhe blogging se ek rupaye  nahi mile lekin wo uss samay naye hote koi khaas jankari na hone sahi topic sahi platform na chunane se aisa hota hai .

 

lekin aapko fikar karne ki jarurat nahi kyoki isi liye maine yah hindi Blogging course suru kiya jiska aap whitehindi.com par pahla series padh rahe hai. Aur iski madad se aap kuchh hiu samay me blogging se paise kamana suru kar sakte hai. aur bhi mai kai aise tarike iss series me bataunga ki jisase kal ko aap sirf soye bhi rahe to bhi aapke paise bante rahe.

 

Aur saath yah bhi batane wala hu ki ek student ko kya fayada va nuksaan hoita hai online paise suru karne me isi tarah mai apne aur bhi experience share karunga to aap yadi online paisa kamane ki thaan chuke hai to jude whitehindi.com ke saath aur rahe internet ki duniya me sabse aage  to basa itna hi iss series me i Hope ki aapko kam se kam itna to samajh aa gaya hoga ki apna ek blog kam paise me kaise suru karna hai.

 

Aur friends yadi aapko mera yah article pasand aaya to ise share karna na bhule aur koi sawal aapke man me ho to turant comment kare ya aapko koi vichar ho to bhi whitehindi.com aapka turant reply karega.

Motivation Ke liye Padhe Best Hindi Motivational Blog

 

Leave a Reply