Kya Hai PhD Iski Padhayi Kaise Karte Hai

Kya Hai PhD Iski Padhayi Kaise Karte Hai

Ham sabhi chahte hai ki agar ham padhayi kar rahe hai to aage chalkar uska koi na koi matlab nikle ya yah aage chalkar mere kaam aaye isi soch ke sath kuchh log kafi sammananiya ya badi digri hasil karna chahte hai lekin dikkat to tab aati hai jab unhe yahi nahi pata hota ki yah course kaha se karna sahi rahega kitna kharch aayega aur agar future me mai kisi padhayi ke liye plan bana raha hu to uske liye kya yogyata honi chahiye ya mujhe abhi se kaun sa course chunana chahiye.

To aaj ham PhD ki padhayi ke baare me detail me jaanenge ki ise koi kaise kar sakta hai yah bahut hi badi digri mani jaati hai aur jo bhi ise complete kar leta hai uske naam ke aage Dr. yani doctor sabd lag jaata hai.

 

Yah digri lene ke baad agar aapne sahi sanstha se liya hai ya aapka acadmic record bhi thik thak raha hai to aap moti tankhva ki naukri aaram se pa sakte hai aur professor va lechturor bhi ban sakte hai aur to aur aap research ke field me bhi kadam badha sakte hai jiska kharch govt. uthati hai.

 

PhD ka Pura Naam – Full Form

PhD ka pura naam ” Doctorate of Philosophy ” hota hai .

 

12th Kisase karni Chahiye

High School ke baad jab aap 12th me admission le to aap yah tay kar le ki kaun sa subject aapko jyada pasand hai kisme aap achha perform karte hai aur jiski aapko jyada knowledge rahti hai uss hisab se aap science , Art koi chune aur dhyan rahe isi ke hisaab se aapko graduation me bhi admission milega.

 

Graduation Kisase Karni Chahiye

Graduation To pahle aapki 12th ki padhayi hi tay kar dega ki aap kis subject ko le sakte hai ha ab uske baad jo bhi subject chune to apne future ko dhyan me rakhte huye ki vah subject aap aage tak le jaakar padh sake aur graduation karne ke baad Master Digri kisi achhe college ya university se kare to jyada achha hai.

Jaise Aap agar B.Sc kar rahe hai to aap kisi normal college se bhi kar lenge to bhi chalega lekin wo bhi manyata prapt hona chahiye fir jab aap M.Sc yani master digri kare to use kisi achhe university se kare jarurat pade to entrance test ki taiyari kar le aur Fir qualify hone par aapko bahut hi naam matra fees me master digri mil jayegi aur scholar milegi wo chhodkar aur iss tarah aapka PhD karne ka Sapna aur aasan ho jayega aur use karne ke baad bhi kaafi madad milegi.

 

Phir Ab PhD ke liye Kya Karna Hoga 

Ab mai maan leta hu ki aapne M.Sc tak ki padhayi kar li hai to ab aap PhD ke liye Yogya hai ab aap PhD ke liye apply kare jiss subject se aapne master digri ki hai to upar isi liye mai kah raha tha ki jo subject aapko pasand ho use lekar chalte rahe aur master deegri lene tak uska saath na chhode taki aap usi subject me jise aap pasand karte hai me PhD kar sake.

Ab isme Kya hota hai ki agar aap kisi achhe govt. sanstha ko chunte hai to fayde hi fayde me rahenge pahli baat to aapko pheloship milegi har mahine jise aap scholarship jaisa hi samjh sakte hai aur usake baad jab aap digri lekar niklenge to vah utna hi kaam karega.

 

PhD Me Kitna Kharch Aata Hai

Vaise Agar aap upar bataye anusar Govt. ke sath ye sab karte hai to koi kharch nahi aayega balki milega hi lekin aap sirf bina mehnat ke sab digri lena chahte hai jisase aapko private ka sahara lena padega to moti rakam bhi kharch karni padegi aur dilene ke baad kitna kaam karega yah to vakt hi batayega.

Kyoki private tabhi log chunte hai jab vah thik se padhayi karne me saksham nahi hote aur agar wo aise hote to Govt. ko hi chunte kyoki usame to fayada hi fayda hai matlab ki agar aap achh score karte hai hai to aap last me dekhenge ki aapne jitni fees di nahi utni to aapko vapas mil gayi matlb aapki deegri free mili.

 

Kitna Smay Lagta hai

Samay ki baat kare to agar bande me dam hai to wo 2 saal me hi apne PhD complete kar lega nahi to 5 saal tak samay lag jaate hai kisi kisi ko to 6 saal tak lag jaate hai to yah aapke upar hai ki aap kitni mehnat aur lagan se kitni jaldi kar lete hai.

To dosto aapko yah jaankari kaisi lagi hame comment karke apne vichar bata sakte hai aur aap iss jaankari ko apne dosto ke sath share karna na bhule.

 

Leave a Reply